熊黛林昨日在銅鑼灣出席Lomography展覽活動，提到她前晚在赤柱被雜誌攝影師狂追拍，最後要報警，她仍然氣憤說：「佢根本唔係偷影，係追到實一實，搵部相機隊落我塊面度，我見佢部相機唔似好專業用嘅，唔知佢係乜嘢人，我哋叫佢停，佢仲話：『唔影得呀？犯法咩？』好寸囉，搞到我真係好驚。」問到郭富城知道此事後如何安慰她？她說：「都冇乜特別，佢叫我少啲去呢啲地方，但我都會照去。」
熊黛林又謂平時喜歡影風景照多於人物，閒時也會自拍，有否儲存大量與城城的照片？她說：「朋友生日梗會有影相。」那二人的合照呢？她笑說：「唔知，要返去睇吓。」採訪：LoMui
攝影：WongManWai