盧覓雪噚日喺跑馬地出席活動，講到老友章小蕙日前喺台灣出席音樂人陳志遠追思會，而佢前夫鍾鎮濤因收到消息而甩底，盧覓雪話章小蕙已經返咗美國。至於B女鍾嘉晴日前喺網上話七年冇見過章小蕙，盧覓雪回應時有弦外之音：「我唔知，但掉轉又未必係咁，有得見唔想見咩？可能未必見到，係阿媽都會掛住仔女，可能中間有技術問題。」