「皇上好巴閉o架！喺裏面有人服侍不特止，仲夜夜笙歌」。曾跟崩牙駒同倉同囚的門生阿標（假名）坦言，看着這麼一個極度重犯坐監猶如度假，不禁豎起拇指驚嘆：「難怪獄中『孫姪』都仲係叫佢皇上！」
「魚缸養石斑俾佢食」
98年崩牙駒涉嫌炸毀澳門司警司長白德安座駕，令這個土霸王面臨10多年牢獄生涯，但做慣大佬的他，獄中生活竟能如人間天堂。
「佢唔使勞役o架，鍾意幾時起身、幾時瞓都得，四圍行好自由」。據阿標形容，澳門99年回歸前的交接期，監獄猶如無掩雞籠：「獄警只要有着數就乜都得，我哋叫呢段時間做失控期。」入獄後，崩牙駒一直關在七座單人倉，據悉該囚室是特別為他而設。當年跟他同囚的三名重犯石岐嘟、豪仔和超人，均是他的得意門生。
乘着監獄失控，作為14K揸弗人的崩牙駒當然繼續「錢照賭、女照攬」，「佢哋威到叫成班女入嚟陪玩、幾乎日日開賭、『焚』住機fing頭，仲擺埋魚缸養埋石斑俾佢食」。
不過回歸後，這種「獄中皇」生活也告一段落。近年隨着崩牙駒的門生相繼出獄，只剩下他一人孤伶伶，但獄警仍然對他非常厚待，「佢唔使着囚衣，平日都係着便服，獄警見佢悶，仲特登調兩個o靚仔服侍佢，陪佢鋤吓D、鬥吓地主、洗吓衫」。該門生憶述，對上一次見「皇上」已經是上年春節晚會，獄警安排專車接送他到「大倉」，當時崩牙駒一身便服，沒扣上手銬，見他精神抖擻，氣燄不減，可惜未能跟他對話。
雖然一代霸王暫且仍只是「獄中皇」，但他正暗中在牢房收o靚、秘密練兵，準備下月再戰濠江。
本報記者