港股上月中喺22123見底之後回升，一直維持升勢，10日線一個禮拜之內連破多條平均線，成交活躍，呢個禮拜上試25000關嘅機會又增加。
道指近日喺高位橫行，有技術調整迹象，但支持位好近，大方向都係炒上，短線有機會上試12700，形勢對港股有利。油價節節上升，短線有好大上升空間，油股自然要留意。
中海油C輪26706：中海油（883）上日報收20.75元，升1個位。股價近日喺20至21元之間徘徊，係升後整固，周線圖已現突破，再炒上先睇22.50元，油價升勢有刺激，中海油升勢有機會轉急，可以諗吓隻C輪26706。
隻輪現價17.2仙，2011年7月18日到期，行使價20元，溢價4.7%，引伸波幅33.6%，槓桿率12.1倍（有效7.2倍），正股升上22.50元，26706睇29.5仙，升幅71%，正股跌穿20元就沽咗隻輪。
俊樺