大福證券俾內地證券商海通（665）收購咗超過1年，本來以為中港融合一家親，但始終新人事新作風，舊人有時未必習慣。好似以前喺大福年代講股市嘅台柱杜冠雄，3月初已經轉會英皇證券（717），擔任研究部執行董事；跟住會起身嘅，係研究部高手麥德光（Macro）。
Macro一向做開以前大福同家海通嘅證券研究部主管，聽講佢已經遞咗信，做埋今個月就拜拜，會自己拉支旗搞投資。Macro喺大福加埋海通做咗超過10年，係名副其實嘅老臣子，華華祝佢前程錦繡。
大福舊人淡出已成事實，生招牌海通副主席兼行政總裁黃紹開，上月中都話諗住退休，正好反映一個朝代嘅更替。