早前舉行嘅鄉委會選舉意外結果極多，唔少本來穩如泰山嘅主席忽然墮馬，青衣鄉委會主席鄧國綱都被隱形民建聯鄧瑞華突襲成功，令佢嘅區議會主席議席都要拱手相讓。
人不犯我，我不犯人，最近八方喺青衣翠怡選區附近見到好多張寫有「紮根青衣，長期服務」嘅鄧國綱巨型Banner，似乎準備喺11月區議會選舉強勢復出。鄧國綱揀呢區落腳實在有心思，事關呢度有位曾獲鄧瑞華助選嘅張慧晶出選，而鄧國綱嘅Banner就正正掛喺張慧晶隔籬，明刀明槍同倒戈陣營玩鋪勁。據聞唔少村民都戥好好先生鄧國綱落馬唔抵，力撐佢再戰江湖，倒戈陣營有冇覺得今次查實玩大咗？