霍家獨步香港體壇就係人都知，但係就好少聽到佢哋涉足澳門馬圈。點知噚日喺澳門氹仔馬場出現一位稀客，佢就係霍公子霍震霆。噚日係一年一度嘅澳港盃，共有五場級際賽事轉播來港，其中有兩場賽事都係由霍震霆做頒獎嘉賓，包括頭場三級賽新葡京盃同第三場一級賽澳博澳門打吡。
原來霍公子係澳門霍英東基金會信託委員成員，今次係佢自去年11月初正式出任澳博執行董事後，第一次以澳博執行董事嘅身份出席公開活動。霍震霆頒完獎後，喺場內見到香港賽馬會主席施文信，兩人都不知幾好傾。八方勢估唔到，霍家嘅人除咗對足球同國寶情有獨鍾外，原來對賽馬都咁有興趣。