【本報訊】政府透過關愛基金向新來港人士派發6,000元，加上內地孕婦逼爆產房及內地客搶奶粉等問題，終觸發本港部份市民與新移民的分化。近150名本港居民昨上街，反對政府派錢予新移民，又要求政府設立奶粉離境稅、收回大陸移民審批權等。發起人強調遊行沒有歧視成份，「我哋係針對政府唔係針對人。」但有關注新移民團體認為部份言論已抹黑新移民。
部份人響應穿黑衣
發起人透過Facebook組織今次遊行，大部份人響應號召穿上黑衣，以年輕人佔大多數，一行人由灣仔修頓運動場遊行至政府總部，沿途高叫口號，除反對政府派錢外，亦指摘內地人來港產子及搶購奶粉。召集人向政府遞交請願信後，眾人先後踐踏寫上「福利政策濫用酌情」的標語後才離開。
黃太昨攜同未足半歲的兒子參加遊行，她強調不是歧視內地人，「我哋就係好耐都唔出聲，先至當我哋係病貓咋！家俾人恰到上心口，梗係要出嚟為香港居民講嘢。」從事銷售的羅小姐也不同意派錢予新移民，「始終未住夠就係未住夠。」對於部份網民形容新移民人士為蝗蟲，她認為一部份新移民確屬此類。
行動召集人之一Ada強調，他們沒有任何歧視新移民的意圖，「參加者各自心態係點我哋控制唔到，但係我哋一直都講，成件事針對嘅係政府……六千蚊只係網民都同意嘅火頭啫。」
矛盾惡化咎在政府
不過，社區組織協會幹事施麗珊指大部份遊行人士將新移民與內地人混為一談，部份言論更屬抹黑，令分化加劇，「香港有部份人係歧視新移民呀，係文化矛盾，但係政府派錢同其他政策就激化咗呢啲矛盾。好多新移民家好嬲，最嬲係聽到遊行班人話佢哋冇貢獻。」
理工大學應用社會科學系副教授鍾劍華指，社會分化一直存在，但政府未經仔細考慮即宣佈派錢予新移民，令問題進一步惡化，鍾劍華說：「呢個係導火線，另一方面，好多關於新移民嘅誤會，政府從來冇企出來澄清，結果造成家局面，而新移民成為好多問題嘅代罪羔羊，呢個問題短期內都解決唔到。」