早知今日，何必當初，朗尼（中）因為早前召妓事件加上最近比賽時爆粗，形象唔好，未獲可口可樂公司續約，一年60萬鎊贊助費見財化水。事隔幾日，連帶由可口可樂公司贊助嘅電視節目「街頭射手」都唔再預佢。呢個節目係講朗尼喺街頭發掘有潛質嘅球員，由08年第1輯做到準備開第4輯，但已經唔再關朗尼事囉。