林敏驄與亞視新人譚杏藍和陳綺雯合作主持節目《至醒至勁四方城》，阿驄被指涉嫌抽水，有指亞視為平息風波，有意用梁思浩取代阿驄做主持，但阿驄卻發火要亞視換人。
不過，阿驄昨日仍現身大埔亞視影廠錄影《至》，繼續與兩位o靚模嘉賓盧頌之（DaDa）和AnnieG.嬉戲，同場的譚杏藍和陳綺雯完全被冷落，慘變佈景板。
阿驄錄影中段接受記者訪問，他心情靚爆，否認被叮走，他招積說：「你唔見我家要返工咩？」問他可見到譚杏藍和陳綺雯？他寸爆說：「兩個女仔突然唔見咗，換咗阿婆嚟。」
DaDa：阿驄唔手多
DaDa昨日在電話中說：「阿驄今日唔敢亂嚟，大家錄影好順利，以我熟識嘅阿驄唔手多，佢搞氣氛啫。」譚杏藍昨日在微博晒fans送的禮物，還留言：「多謝你的正能量！我復活了。」
採訪、攝影：王崇穎、比華利