港府派6,000蚊惹來爭議不斷，有人認為香港社會已經開始負荷不了新移民，由於冇任何團體為佢哋發聲，所以要站出來，在facebook發起「反對派$6000給非香港永久居民」大遊行，聲言風雨不改明天下午兩點半灣仔修頓出發行到政府總部。
對於網民言行，一般嚟講認真你就輸，但今次原來佢哋嚟真，已獲警方不反對通知書，有搞手同八方講，預計最少有幾百人參加。
聽日下晝泛民亦有反預算案遊行，事實擺在眼前，市民對預算案不滿已顯著降溫，雖然亦努力最後動員，不過對遊行人數都心裏有數，八方聽聞噚日泛民飯盒會上，有人悲觀預測只有千幾人出席，比較樂觀嘅估計則係約3,000人。