曼城前鋒巴洛迪利（左圖）原來唔單止腦殘，仲係衰鹹濕，搞到架值8萬鎊（約100萬港元）嘅白色瑪莎拉蒂（右圖）花晒。記得喺上周五巴洛迪利揸車去曼城操練時，被發現架車花晒，而佢喺操練時就踢隊友泰維斯而遭領隊文仙尼狂插。日前，英傳媒終揭發巴洛迪利係因早前去一間位於利物浦市叫RudeLapDancingBar嘅夜店消遣時，唔守人哋「眼看手勿動」嘅規矩，「鹹豬手」其中一名脫衣舞孃，於是被夜店嘅5名睇場趕走，其間有言語磨擦同埋身體碰撞。不過巴洛迪利唔識死，揸駕車折返現場再同人理論，其中一名睇場終於忍唔住，攞鐵通狂打佢部車，佢先走人。巴洛迪利可能被呢單嘢搞到神不守舍，幾日後揸車撞燈柱俾塘邊鶴「反V」，都忍得住。