羅家英昨日在尖沙嘴文化中心出席第二屆中國戲曲節活動，其妻汪明荃早前炮轟與鄭少秋舉行演唱會期間，主辦單位分票不公，令其歌迷坐在較差的位置，問到家英哥可有逗阿姐開心？他說：「好難o架喎，要佢自己散發出嚟，應該冇乜問題嘅，其實我嗰日都有去，見佢喺台上講咗啲嘢又面黑黑都知佢有嘢。」
微博展示證據
家英哥又力撐阿姐，表示阿姐fans座位確是很側，他說：「我都知分票係難嘅，不過盡量公平啲囉，應該冇乜事嘅，遲啲都仲會去新加坡開騷。」他又強調阿姐會找齊證據，買賣門票所有紀錄也有保存下來：「丘生（丘亞葵）畀乜佢都有mark低，冇可能空口講白話。」
另外，阿姐昨日如家英哥所言把買賣門票的「證據」放上微博，再次表示不滿主辦單位的分票方法之餘，亦強調與拍檔鄭少秋沒任何不快。
採訪、攝影：文國駿