食典：車仔麪鮑魚配餸　牛胸油越灼越脆

這間樓上舖出品很雜，雜得來又中看中吃，過百元一碗車仔麪鮑魚肥牛豬仔膶做配料，越灼越脆的牛胸油每天限量十碟，手快有手慢無，再不來一客少油乾炒牛河，總之入得門口，就一定舔舔脷走。

記者：徐務研
攝影：梁細權
Model：Paris@PureModel

牛橫膈膜限量十客

「台灣一品花雕雞」是樓上舖，主打火鍋，位置雖較偏僻，但號召力十足，由飲食界名人黃浩打理，不少明星紅人都是座上客，如此具魅力並非無因，只因火鍋做得蠻有心思。除象拔蚌和霜降肥牛等矜貴火鍋配料外，還有極罕牛胸油，嘴刁火鍋癡無不食指大動。牛胸油者，牛橫膈膜是也，於坊間火鍋店極少見，只因本地每天屠宰的牛隻不多，每隻牛只有一塊橫膈膜，一客牛胸油便得用上三至四隻牛，所以每天限量十客，手快有手慢無，名副其實有錢都買唔到。用筷子夾起一看，薄薄一片粉嫩透明，有趣在灼得越久越脆，灼三分鐘，口感只是爽，灼二十分鐘，則變得極脆，入口索索聲，而且油香濃郁。
我的第二最愛，要數大連鮑魚，上枱時還是活生生的，體積比普通火鍋店供應的九孔鮑還要大隻、厚肉，經理Dick：「不新鮮的鮑魚被池水侵蝕過，肉呈白色肉質較硬，新鮮鮑魚則有抵抗力，肉表面呈淡黃色。」只要水夠滾，頂盡灼五分鐘就要舀起，灼得太熟鮮味會流失，非常浪費。細看Menu，想不到連鵝肝都有，來自匈牙利，油份較少較健康，因成本較高，坊間火鍋店鮮有提供，一客有十安士，份量十足，血絲挑得夠乾淨，灼五分鐘即成，入口軟滑無渣，鵝香十足。鵝腸亦值得一試，乃即日鮮，貨源少每天限量二十碟，條條都連着豐腴肥膏，非常爽口。

鮑魚仔極彈牙，我想吃多一隻呀。

撕開河粉炒得通透

這店午市還提供車仔麪，粉麪有新竹米粉、菠菜麪等七種選擇（$15至$18），湯底則有順德鮮魚湯等八款（$8至$10），配料則有超過三十款（$6至$30），除最大路的豬皮魚蛋豬大腸外，連本地手切肥牛、本地肥生蠔、肥鵝腸、黃沙豬仔膶和大連鮑魚都有得揀。你無看錯，我無寫錯，新鮮大連鮑魚午市特價每隻盛惠$28，如此矜貴的車仔麪，還是頭一回吃。
除車仔麪外，這店還邀請各地馳名飯店的師傅們，專責主理叻沙、越南湯河和乾炒牛河，務求越普通不過的菜式，越要見真章。先說叻沙，起源於東馬來西亞沙撈越的首府古晉，不因味道辣而稱叻沙，其英文解釋為「ManyMany」，意思是用上很多材料及步驟繁複。這店的師傅是在古晉土生土長的福建人，有三十年煮叻沙經驗，其沙撈越叻沙湯底製法果然繁複，雞蒸至半熟，用流出的雞汁再連雞煲成雞湯，然後放蝦頭熬成湯膽；叻沙香料要另外處理，先放進沙煲用文火煲三小時，待其沉澱隔渣再煲一次，最後才混入湯膽，配料則有鮮中蝦、雞絲、雞蛋絲、芽菜及青瓜絲，湯底濃郁不太辣，十分惹味。
跑馬地「正斗」最出名的是乾炒牛河，「正斗」的師傅移師此店坐鎮，特色在不用生抽，只用鹽，逐條河粉撕出來炒，因此每條河粉都炒得通透，條條兩面上色，不會黏在一起，連Model也大讚：「不油膩，女仔可以放心吃。」視瘦身為終身職業的女生們，應知乾炒牛河卡路里高，幸好師傅夠體貼，多做一個工序，炒完牛肉後，先倒走肥油再炒河粉，大大減少油膩感，終於可以放縱一次大快朵頤了。至於越南湯河，則請來墨爾本明星飯店「勇記」的師傅主理，用新鮮牛骨及牛尾製作湯底，味道清甜牛味重，選用河內越南河粉及來自海防市的香料，絕對正宗，再配本地手切牛肉，鮮味十足。

矜貴車仔麪　$112

大連鮑魚午市特價每隻$28，本地手切肥牛$30、黃沙豬仔膶$10及新鮮肥鵝腸$18，連麪底手切幼沙河粉$18、濃香牛骨湯底$8，埋單$112，想不到車仔麪也可以吃得如斯豐盛。