香港人特別愛travel，名模周汶錡（Kathy）自稱是無腳雀仔，一年至少飛二、三十次，最愛拿着鮮艷旅行篋四圍看世界。這天她示範美國品牌Tumi的行李篋，透露下一站dreamplace是到阿拉斯加看北極光。
名模周汶錡每個月都飛兩三轉，中台泰國日本是常事，歐洲每年去三數次，上月探索新地方，去了印度北部，在著名的粉紅之城齋普爾、印度新舊文化交接的德里度過，腦海已思考下一站，飛過不停但非常enjoy。
最愛遊世界
Kathy說：「最鍾意travel，我好似一隻無腳嘅雀仔咁，鍾意去唔同地方，又鍾意食嘢。所有未去過嘅地方，我都想去，我成日覺得，世界係要自己去望、自己去睇，冇人可以代替你，要行出去，先可以大開眼界。」她謂想去南非、北歐，最想去阿拉斯加，她說：「好想去，有一年transit時去過，朋友話嗰度嘅北極光好靚，好吸引我，更加想去。」
一年至少飛20次，Kathy試過去完歐洲長途旅程，等不及返家，要在私家車內換一個細篋去台灣，她說：「我好怕執行李，因為我係要將啲嘢準備得好好嘅人，有時longtrip，我會早兩個星期就諗定，以前會帶好多嘢去，最終係會有一半用唔到。」
必帶連身裙
經過多年訓練，Kathy謂已經有mustbringlist，她說：「兩條牛仔褲、幾件tee、一對黑色高跟鞋，一條連身裙。連身裙好緊要，尤其去歐洲，假若有突發派對或者節目，或者餐廳係要dressup，都唔使擔心。」至於行李篋，最大要求是輕身和襟掉，她說：「同埋我鍾意用同人唔同嘅色，最怕黑色，家用嗰個係紅色，fresh啲又唔易認錯。」
採訪：DebbieLum
攝影：ChanShunChing
Techno新趣味
美國總統奧巴馬、碧咸都有用的Tumi，出名黑色公事包，向來非常男人味。今季新作在女裝注入新色彩，以意大利南方卡布里小島作設計靈感，海天沙色、森林與優閒氣氛，新意盎然。
當中Vapor行李篋，用上海藍、軍綠新色，圖案有technofeel的七彩floral、photoeffect黑白藍cityprint，更和紐約藝術家John'Crash'Matos合作，將hardcase變得更有型。