睇得太多小說，睇到癡癡呆呆，又係時候change，咁啱老友介紹本漫畫過我──《賭博默示錄》，身為賭徒點可以錯過！
話說我只係睇咗一章，不過都知呢本唔嘢少，《賭》嘅畫風都幾癲吓，唔係人人都受，不過故事真係掂，主角伊藤開司係一個廢青，欠人周身債，不過有個黑幫搞咗個可以一鋪翻身嘅賭局畀呢啲廢青參加，劇情好鬼曲折，亦冇咩犯駁，當中最欣賞係佢涉及人生話題，仲用咗好多比喻，所以呢本並唔係賭博漫畫搞笑漫畫，有賭錢嘅人，睇完更加有感受，不過最慘我暫時只可以上網睇，因為搵唔到有得賣，有人知道冇？
歐聯史浩克大炒國米，夠奇情，今周返德甲鬥禾夫斯堡，博佢哋送分，撐狼堡。
文：守丹
星期六9
史浩克04vs禾夫斯堡
心水：禾夫斯堡勝[+1]
心得：史浩克係時候送禮