啲波變番夏令時間，唔使好似先排咁痛苦，要等到凌晨3點9先有歐聯睇，家陣2點9。等睇波嗰兩三粒鐘，如果搵唔到節目，真係絕難捱，我通常都會上網、打遊戲機或者煲劇，但上網同打機較為嘥神，所以都係煲劇居多。屋企仲有多套舊嘅日劇未睇，呢水睇緊講家族恩怨情仇嘅《華麗一族》，講真個故仔都幾老套，不過勝在製作認真，啲佈景至少比三色台嘅家族劇真實好多。
星期六、日英超冇深夜場，唔使煲劇killtime，至於今周嘅心水係車仔。車仔近況真係幾差，不過對手韋根仲衰過佢哋，而且講質素又高咁多，如果咁都贏唔到兩粒或以上，真係要罰佢哋全隊食咗個波連對砵。
文：青蛙仔
星期六12
車路士vs韋根
心水：車路士勝[-1]
心得：韋根喺英超包尾