日本又發生地震，核電廠洩漏嘅輻射未波及到香港，但已經波及到香港日式餐廳；一向機警嘅香港人已經敏感，搞到日本食品即時冇人吼，連打住「鮑魚一哥」旗號嘅高貴日式餐廳都頂唔住，而其他日式餐廳都煞有介事，紛紛走出嚟澄清：「本店食材並非由日本進口，是由挪威、台灣、大陸……等等進口」，咁樣自打嘴巴法，即係講緊以前一向欺騙消費者？小弟一向認為生死有命，星期日放假一樣食日本嘢，難得假期晚上黃金時間都唔使等位，仲有好多特價優惠㖭。
自打嘴巴仲有紐卡素班主艾殊利，一時話大搞紐記，轉頭就高價賣走安祖卡路爾，被紐記球迷憎到死，總有佢原因；周日就捧維拉主場殺低紐卡素。
文：牽牛
星期日18
阿士東維拉vs紐卡素
心水：阿士東維拉勝
心得：紐卡素作客神經刀