KinChui開Lego專門店，投資額逾百萬元，朋友潑冷水認為難與專門店、連鎖玩具店競爭。店舖開業初期，一天僅一個客光顧，但透過互聯網推廣，加上生意定位正確，即使在小商場開業，仍能3個月回本，Kin自豪地說：「賣Lego都可以養妻活兒。」
記者：陳皓怡 攝影：程志遠
「兩歲幾就畀囝囝玩Lego，夠安全又有啟發性。差唔多喺連鎖店有嘅都買晒返屋企，揀揀吓都冇得揀，後來屋企人買咗個絕版畀佢，係舊時啲星戰系列，佢見到好開心。」由於兒子的喜好，引發Kin創業念頭。
不過，朋友聽聞他打算放棄上市公司電腦部主管一職，開Lego專門店，都大潑冷水。朋友話：「Lego有公價，你定價唔可以高過佢，拎貨又唔會比大型連鎖店優惠，外面嘅玩具店又鬥打折，毛利越嚟越窄。」
提供中介服務交易平台
Kin認為，總有方法殺出重圍，「家唔少行業都係靠口碑，有人想搵嘢，有人想提供嘢，我整一個機制畀佢哋相遇，令大家放心。」他的角色並非傳統零售商，而是為賣方和買方提供中介服務及交易平台。本地有關Lego的資訊，大部份來自Lego迷設立的網站或討論區，Kin於是為本地Lego迷開闢一個交換資訊的生意平台。新貨由Lego分公司訂購，由於入貨價較大型連鎖店高，故毛利僅2至3成。至於絕版Lego，貨源來自收藏家和炒家，入貨成本要逾百萬元，但毛利可高達4至5倍。
網上推廣生意急增95%
「冇興趣就唔會行入嚟。」他深信店舖位置只是其次，故選在堅尼地城一個小商場內，純粹因為自己住在附近。09年12月開舖時生意慘淡，「一日得一個客入嚟。」為了令更多人認識自己的店舖，Kin開設網站，利用網上推廣，在免費渠道介紹公司資料，另外亦在搜尋器上賣廣告，增加知名度。網站加上推廣，令生意額大大提升，3個月將開業成本賺回來。
透過網上推廣，令生意額大增95%，更吸引外國顧客，「我哋超過五成客都係大人，佢哋消費力高，捨得用成千蚊買一個Lego人仔，每個客人一次入嚟買2至3萬蚊嘢一啲都唔罕見，買5至6萬蚊都唔眨眼。」千金難買心頭好，「有客人舊年一口氣買咗20萬蚊Lego，買嘅八、九成係星戰系列。」
Kin亦經常探索這門生意不同的可能性，如寄賣、代砌和興趣班等，同時為不同商場及品牌製作擺設，增加收入，開業年多已不需靠價格競爭，「同一杯可樂，喺屋企同酒店飲價錢唔同，但係點解你會願意畀一個貴啲嘅價錢？因為環境同服務唔同。」
