馮德倫跟好友吳彥祖的新公司「突圍」電影，概念是跟有才華的人合作，他說：「成立公司嘅諗法已經好耐，難得同華誼喺電影取材同自由度都好放手畀我同吳彥祖去搞。」新公司的第一步就找來曾拍攝電影《風聲》的台灣導演陳國富合作拍攝電影《太極》，馮德倫笑言劇本由一開三，變成系列電影，他笑說：「原本想拍一套，點知大家傾劇本時越傾越豐富，足夠寫成三部曲，所以目前嘅發展方針係想拍成好似《黃飛鴻》系列電影咁。」
無懼內地審批
馮德倫表示除開發自己的劇本外，公司最重要的運作就是跟拍檔吳彥祖在外國引入合適的劇本故事，這正是目前內地市場繼鬧演員荒後，另一樣最缺乏的軟件，他說：「冇擔心過內地的審批制度，其實我哋公司成立其中一個目標就係唔想局限只喺內地市場，當然呢個市場依然會係我哋最倚賴嘅地方，到目前為止都未遇過呢方面問題。」他覺得年輕人的創意是無可掣肘。