想知國米嘅莫拉堤係咪好老闆，睇佢點處理教練李安納度嘅去留就一清二楚。假如李帥已失飯碗嘅消息係真，莫拉堤就係個有雙重標準嘅衰老闆。
兩場大敗令國米面目無光，極可能冇晒兩個冠軍，但咪忘記一個禮拜之前，幾乎全世界，甚至莫拉堤都捧李安納度上天，係佢令國米追到喺打吡賽前只差AC兩分，亦係佢帶隊波反壓拜仁。家陣希望幻滅，個希望如果唔係李安納度，根本唔存在。佢之前做咁多嘢，唔通變粉筆字抹晒？至於話莫拉堤有雙重標準，係以前對契仔文仙尼好寬容，明益自己友，咁咪「對己寬對人嚴」囉。對我嚟講，李帥早走早着，唔使我呢個AC躉手掌係肉，手背又係肉。今捧國米「大」。
文：藍鑽石
星期六47
國際米蘭vs基爾禾
心水：國際米蘭大
心得：國米「大」開好難斷路