鄭中基（Ronald）女友余思敏昨日被踢爆懷孕4個月，兩人更會於短期內結婚，可謂雙喜臨門。至於Ronald前妻蔡卓妍（阿Sa）和舞王男友陳偉霆（William）亦甚為恩愛，感情一日千里。
雖然William可以冧掂女友，但卻成為一眾宅男網友公敵，頻頻被惡搞，日前更有網友惡搞William死訊。前晚William到將軍澳電視廣播城錄影《勁歌金曲》，問William知否網友惡搞死訊？他謂：「我知，之前我見到Mani（經理人霍汶希），佢仲問我一句：『你仲在生咩？』唔緊要喎，我知有人唔鍾意自己，希望將來由唔鍾意變為鍾意，我有正能量做好自己啲嘢。」有傳因為William先後冧掂女神Angelababy和阿Sa，故此得罪一眾宅男，他聞言表示：「呢啲冇得解決，只好做好自己，等人接受。」是否有fans未能接受他和阿Sa拍拖？William相信大有人在，再提到經常成為宅男網友惡搞對象，William忍不住批評：「呢啲行為幾無聊。」
採訪：楊潔雯
攝影：林德雄