人真係奇怪嘅動物，好似我一向有追開AXN嘅《CSI》系列，喺佢哋每星期做一集時，總覺得意猶未盡，但今季AXN竟然一星期播3集，逢星期二至四播出，每晚收工之後返屋企睇錄咗嘅CSI劇集，又好似被迫要睇咁，唔多enjoy。
呢個情況咪同足球直播一樣，以前播得少嘅時候就當佢係寶，家就簡直有膩嘅感覺；不過，好彩有隊波今屆不時俾到驚喜我，佢哋就係英超升班馬黑池嘞。佢哋雖然已冇季初表現咁好，但喺領隊荷路威帶領下，仍堅持踢進攻足球，所以就算輸，都輸得轟轟烈烈。喺星期日黑池迎戰阿仙奴時，就梗係要捧入球「大」啦！唔好忘記，阿仙奴近況麻麻兼仲係由艾蒙尼亞守龍，點會唔「大」呀？
文：吾中
星期日7
黑池vs阿仙奴
心水：黑池大
心得：向艾蒙尼亞致敬