【本報訊】大行輪流唱好後市，港股成交日前又越千億，指數迫近3年高位，散戶自然希望伺機獲利套現或趕搭尾班車。不過，渣打（2888）網上銀行系統昨日卻出現問題，未能提供買賣服務，令客戶不能止賺或止蝕。憤怒的用家更於網上討論區，發起致渣打行政總裁冼博德的「一人一信」行動，勢要該行正視有關問題及賠償客戶損失。
渣打發言人接受查詢時承認，網上銀行昨日速度緩慢，客戶需登入數次才能進入系統，原因尚待調查中。至於賠償問題，他則表示正跟進客戶查詢。
但使用渣打網上銀行服務近兩年的David則對本報表示，「噚日9時半未開市已想登入系統，但試咗3、4次都入唔到，跟着半個鐘頭後又試過，都係唔得，係整個網上銀行系統down咗（死機）。」他表示，港股收市後，才發現渣打於網上登出系統維護，服務於4時5時，暫時停止的字樣。
發動向CEO「一人一信」
David指出，「用咗年幾，大大話話都試過4、5次login（登入）唔到。但今次就最嚴重，成日都上唔到，若果情況持續，會考慮轉服務。」
另一客戶陳小姐則指，昨日下午3時15分至3時30分，股票交易時段內，交易系統、網上理財一切服務停止。她表示，過去從未遇過類似情況，曾致電渣打查詢，知道很多客戶亦出現相同情況，有關方面只表示正處理事件，卻未有回應是否會作出賠償。
成日無得炒，越近下午4時收市，越多人於網上討論區發表言論，「到而家仲未入到！點搵食呀！」、「我今日無諗住做乜，所以家先login，有兩隻想入，有隻到位1157（中聯重科）要走一半，走到即hang，有隻走唔到，而家急跌1212（利福）。總之，成大半日都死火，有冇攪錯。」
無從發洩，網民更發起一人一信行動，去信比渣打行政總裁，並建議大家即日寄出去。「今日大堆信去到佢度，等佢哋星期六都要處理。」、「請支持，唔想佢搵你凈寫名就可以，唔係戶口有興趣都可參與呢個郵海聖戰！」