張繼聰噚日接受商台訪問，提到剛過去嘅清明節，張繼聰透露自己冇去拜山祭祖，反而係留喺屋企同老婆謝安琪一齊夾手夾腳整曲奇餅，大晒恩愛。講到近年張繼聰同謝安琪兩個都惹咗唔少負面新聞，佢話：「以前會覺得係抨擊，但家就會覺得係學習，好似我成日都向我個仔學習，真係畀埋唔少學費佢，因為細路仔係最直接同識得活在當下。」