原本日本答應以嘉賓身份出席今年7月喺阿根廷舉行嘅美洲國家盃，但因為要喺嗰段時間，補踢受地震及海嘯影響而停咗一輪嘅日職聯，所以會喺4月15日前先決定會否參賽。萬一日本真係退出，大會就計劃搵應屆世界盃同歐洲冠軍西班牙嚟頂。如果西班牙肯參賽，一定提升賽事嘅可觀性，但問題係西班牙國腳冇長假放，睇怕佢哋都會怨聲載道。