簽約Chok親頸
鄭融噚日續約星娛樂，個妝梗係有咁行化得咁行，老闆薛嘉麟肯掟一千萬嚟谷佢做明日之后，又安排兩位大隻猛男大派香吻，咀到鄭融頭暈眼花，跟住雙眼迷離，連嘴都歪埋呀。
漏電落晒形
林峯呢排俾霜峯慾照搞到落晒形，前晚拍硬檔返母校廈門大學表演，24小時onchok功能突然失靈。講明先，呢張相自從峯峯升級2.0之後，應該都絕無僅有o架啦！
做木嘴最強
全宇宙最好打又點吖，咪一樣逃唔過哈哈鏡！甄子丹噚日出席壹電視頒獎禮，着到官仔骨骨，但就失驚無神咬晒唇鼓起泡腮，唔知邊個得罪佢嘞。好彩丹爺都有修剪到鼻毛，加番少少分啦。
化妝冇樣睇
做得藝人，都預咗無時無刻補妝o架啦，不過楊怡噚日出席壹電視頒獎禮嗰陣，喺眾目睽睽之下補妝就感覺差啲。不過唔緊要啦，讀者嘅焦點應該會放喺第二度嘅。
不是星是蟹
齋睇呢張相，就知余文樂真係好重視佢隻新國語專輯。佢為咗拍《不是明星》MV，堂堂靚仔居然搞到俾人五花大綁，仲chok個衰樣俾大家任影唔嬲，好大犧牲啫！
撰文：趙堯
