究竟是否每套Lego都值錢？「Lego嘅model有分級，好似鑽石咁。好早之前已經有人儲，佢哋有啲會買兩副，一副自己玩，另一副放埋一邊當投資。我哋之前賣一套Lego屋仔，有個客09年以1599蚊買咗，家已經叫價3000蚊。」
「唔嚟後悔」打動顧客
Kin指，Lego行貨利潤不高，最賺錢是絕版和貨源少的產品，「我哋六成利潤嚟自collectableitems，四成先係行貨。如果我賣連鎖店都賣嘅嘢好難做，佢哋一定平，每個區都有，點做？」加上做珍藏品Lego，無懼壓貨問題，「賣衫斷碼要賤賣，Lego冇呢樣嘢，越耐嘅貨只會越值錢，反而新貨我哋會多啲折扣。」
從事電腦行業，深明網上推廣的重要性，亦深諳網上推廣的語言力量，「『aaplace好多嘢賣，請來』，你未必會想嚟，要感性啲，『aaplace你唔嚟就後悔，你未嚟過呢度就唔知咩係LegoStore』，效果唔同晒，一定要touch到個客嘅心。」