日本地震兼海嘯，令到唔少車廠因為缺乏日本供應嘅汽車零件而停產，豐田車廠噚日就宣佈，北美14間廠都要臨時停產，想買日本車嘅人真係企咗喺度，無理由喺家啲日本車加晒價先嚟買o架！不過，呢單嘢對於鍾意玩車嘅股市名嘴嚟講，似乎就無乜影響，事關佢哋根本唔買日本車嘅！
唔怕日本車缺貨只擔心車股
名嘴鄧聲興同黃德几老友鬼鬼，都係好車之人，鍾意買歐洲車。鄧聲興坦言一年多就換一次車，買親唔係Audi就係平治，貪歐洲車價錢合理，質素高，佢家揸緊架70萬蚊嘅AudiF5，揸咗一年零，隨時準備換車o架喇。
黃德几仲誇張，讀大學嘅時候已經揸寶馬，家揸緊50萬蚊嘅寶馬，所以日本車缺貨同佢本人完全無關係。佢笑言，作為分析員，比較擔心日本缺汽車零件對車股嘅影響囉，果然三句不離本行。