阿仙奴中場法比加斯日前撞車，因收唔切掣錫咗前面Audi個patpat一啖，好彩人冇事，英國傳媒之後搵到Audi嘅車主，佢係22歲學生艾文，本身係阿仙奴粉絲，佢話知道同法比仔撞車後，好驚對方會因為咁而提早收咧。佢咁話：「我哋家陣爭緊英超，球隊真係好需要佢。不過，我發夢都冇諗過，會喺咁嘅情況下同法比加斯見面囉。」炒車之後，法比仔暫時就要以的士代步（圖）。