多名來自商界的立法會議員不約而同借預算案發炮，狂轟政府偏重基層政黨及工會，忽略甚至出賣商界利益。有泛民中人認為，今次商界罕有聯手轟政府，其實是「項莊舞劍、意在沛公」，目標是針對下屆特首候選人，特別是大熱門政務司司長唐英年，希望向唐顯示他們不滿，在下屆政府爭取更多政治利益。
中央欽點都要商界支持
該泛民中人分析，曾蔭權政府已是看守政府，是人盡皆知之事，「商界冇理由唔知，佢點鬧都好，呢屆政府已經唔可能回應到佢哋訴求」，所以昨日一班商界立法會議員發難，明顯不是針對曾班子，而是下屆特首候選人，「佢其實係想講畀唐英年呢類下屆特首候選人知，佢哋好唔滿意個政府左傾，唔理商界睇法」。
由於特首選委會內，商界選票佔很大比例，今次商界議員發難，正是借機提醒唐英年及中央，就算中央欽點任何人出任特首，也不能忽視商界怨氣，「唔好以為我哋一定支持你，若果佢（唐英年）滿足唔到商界訴求，又係傾斜基層政黨同工會，商界一樣可以對佢表示不滿」。本報記者