特首煲呔上星期四至本周一休假，八方收到風，有消息指煲呔同太太以大無畏嘅精神勇闖日本，不過唔係去東京或東北等災區，而係九州福岡。
煲呔幾乎年年4月都去日本賞櫻，雖然上月發生9級大地震，港府對日本宮城、福島、茨城同岩手四個縣發出黑色旅遊警示，但似乎冇影響佢興致；有消息稱煲呔呢次可能係到福岡度假，因為當地櫻花花期係3月尾至4月中，家去剛剛好睇到初放櫻花。
旅遊業老友同八方講，由於九州基本上不受地震影響，所以如果真係好想去日本旅行，福岡相信係首選地點。煲呔愛賞櫻，因此對日本情有獨鍾，07年同家人去名古屋，賞花之外仲大啖飛驒牛肉；08年則去咗東京同埋伊豆，仲盛讚東京六本木城市規劃集合多種元素，值得香港借鏡。