接連被偷窺，靚太楊小姐感到女性尊嚴遭受極大侵犯，決定公開保安員「醜行」，然而事件已令她留下永不磨滅的陰影，她斷言：「唔會再去焗桑拿」，更積極考慮搬走，「估唔到呢啲地方都可以任人自出自入，再住落去，有第三次、第四次都唔出奇！」
深感委屈的楊小姐事後哭了一整晚，她認為有人看準這個漏洞，知道更衣室是無掩雞籠，令更多男保安員有樣學樣，肆無忌憚闖入偷窺。「佢哋知道入去睇完唔會有事，講句唔好意思行返出嚟就得！」
疑有女住客同受害
更令楊小姐難堪的，是被人第一次看全相後，得悉一眾男保安員大肆評論其身段，她哭訴：「成班男人評論我個胸點、身材又點，搞到我行出行入見到啲保安都會垂低頭，覺得好難受」。
她對警方草率處理案件大表不滿，認為事件對女住客造成極大威脅，更懷疑有其他女住客受到同樣對待：「點解男人可以隨便入女更衣室？警察根本唔當係一件事！唔通等佢強姦埋我，咁先算係一件事！」本報記者