「餐蛋飯加色唔該！」茶餐廳叫飯唔夠味的確可以加色（豉油），原來此理亦能與時裝共通，說的是TOUGHJeansmith由以往一片冷漠深沉的Raw味，於今個春夏則幻化成繽紛衣飾，不說不知原來RubberBand四子同屬「好色」之人，與品牌全新形象不謀而合。
記者：潘國揚
攝影：王文忠、陳陶鈞
（左起）On泥鯭：英國旗恤衫$550、GraphicTee$525、深藍色洗水牛仔褲$895
On阿正：藍×白格仔有帽外套$875、黑白橫間長袖Tee$495、黑色洗水牛仔褲$895
On6號：淺藍色波點恤衫$575、啡色Chino$850
On阿偉：紅白藍格仔短袖恤$625、白色PhotoPrintTee$450、卡其色靡爛牛仔褲$795
PlayTime轉形象
TOUGHJeansmith多年來的軍事形象鮮明，唔講其他，就以象徵着品牌Icon、擺放在專門店的Decoration為例，都以全副武裝的軍人作Dummy就略知一二，不過品牌發覺現今年輕人已擁有一套有別以往的價值觀，穿衣之道不愛傳統束縛，所以便決定一改以往形象，以「PlayTime」作為主題將品牌重新定位。既然要玩得，當然與繽紛色彩不可分割，品牌全新春夏系列用色均取決於鮮艷顏色，改革態度事在必行。
還以顏色
就以每季見慣見熟的PoloShirt、Tee或恤衫為例，全新系列擺明色誘粉絲，黃、鮮紅、彩藍或一些NeonColor見怪不怪，迎合春夏的卡其Chino和一些鮮色WorkerPants竟然也不動聲色全面滲入，就連女裝也一併與男裝「共同進退」，可見品牌改頭換面的決心。
bauhaus（28916811）
銅鑼灣耀華街2號地下