汪明荃（阿姐）、鄭少秋及喜多郎大前晚在紅館完成「創世紀心連心演唱會」尾場後，因不滿fans被安排的座位不及秋官fans座位靚，在慶功扯火提早走人，昨日阿姐接受商台訪問時勞氣地說：「我真係想唔去慶功，碗粥都真係食唔落，真係好攰，但好多贊助商要交代，記者嚟又影埋相喇，做晒打工仔要做嘅嘢先走。」
阿姐又炮轟對座位安排不滿，因最好的三區全部是秋官fans，她的fans卻坐在同價的二樓，她說：「第一晚我已經問丘亞葵（主辦人）點解，佢回覆話唔知，第二晚我亦唔出聲，第三晚都係咁太唔公道，大家都有fans，都要畀番啲面我，我覺得對fans唔住，點交代。」阿姐指與丘亞葵曾是《歡樂今宵》同事，但他到現在也沒一句不好意思，直言已失去互信，阿姐又說：「我喺呢個圈40年，家又學咗嘢喇，唔能夠鬆懈，想客氣啲都唔得。」她稱毋須與秋官聯絡，因大家是好拍檔。
丘亞葵問心無愧
丘亞葵昨在新城電台接受訪問，表示百分百問心無愧，他說：「我要澄清阿姐部份fans飛唔係搵我哋買，經我哋買有1,100張，有300幾張係10行前，我相信係個分佈感覺問題，佢係第一場有同我講，不過我唔係第二、三場先賣飛，我唔介意公開（座位表）畀大家睇，惟有講句，佢心目中最差，唔係我認為最差。」
採訪、攝影：溫敏芝、楊潔雯