賭王千金何超雲與陳山聰雖一直否認拍拖，但早前被拍得兩人孖住坐直升機到澳門，隨後又被陳子聰爆粗問候，山聰昨日繼續否認戀情，更坦言為緋聞不開心，又表示近日未有與女方聯絡，病癒開工的他更殘爆。
陳山聰為力追賭王千金何超雲而狠撇糟糠PonnyYeung，早前再次被拍得與賭王千金何超雲於上環信德中心孖住坐直升機到澳門，形象插水外，日前何家女婿陳子聰也爆粗否認識陳山聰。
煩緋聞暫沒聯絡
由於山聰前日因病缺席無綫劇集《洪武三十二》的宣傳活動，昨日他於早上7時左右返回將軍澳電視廣播城為劇集《我的如意狼君》拍攝明顯一臉倦容，他說：「前日早上因為腸胃炎，一早都打咗電話請假，仲去咗睇急症，之後返咗屋企休息。」
無綫為保護近日緋聞纏身的山聰，將其所有工作通告保密，對於被指與賭王千金何超雲坐直升機到澳門一事，山聰強調非他本人，他說：「唔係囉！不過我再答乜嘢都係會寫，其實叉燒相真係好好笑，只係咁啱係我阿哥日日喺嗰度飲茶，係佢畀我嘅張相。」至於可覺相中人似自己時，他說：「你問係唔係就真係唔似囉。」
山聰直指為近日與超雲的緋聞報道而不開心，他說：「咁多件事，每日都有唔同嘅新聞講唔同嘅事，要講嘅都講晒，總之希望件事快少少過去，令我可以投入工作，而且真係冇辦法，大家都覺得好似係真事咁，所以我唔想再講。」山聰表示近日未有與超雲聯絡，至於問到兩人目前關係時，他說：「之前都講過都係朋友。」
山聰前日腸胃炎，超雲前日傍晚則上載自己眼睛照片上微博，表示自己眼睛發炎，她寫道：「眼睛發炎了．．．好腫啊！！」
三太就職心情佳
另方面，賭王三太陳婉珍昨日於上環東華三院總理就職禮時心情甚佳，就任第二副主席的三太一早聲明不做訪問，二房的何超蕸則就任第五副主席，何超瓊和何超鳳一起到賀超蕸。
採訪：王崇穎、楊潔雯
攝影：林德雄