歷年7.1遊行，大會設計主題T恤好受歡迎。今年主辦單位民陣決定舉辦T恤設計比賽，深信創意多多嘅7.1支持者一定會諗到新穎idea，配合今年三大主題：還我2012雙普選、打倒地產霸權以及曾蔭權下台。
大會話評審準則以切題為主，佔40%；創意同美感則各佔30%，顏色線條要盡量簡潔，方便印製。每位參賽者可以提交最多三份作品，前提係一定要原創而非抄襲，有興趣參賽嘅市民可以喺本月30日前將設計傳去mailto:[email protected]，冠亞季以外有5個優異獎。大獎自然係設計可能成為今年7.1遊行嘅主題tee，被市民着上身去遊行。