梁詠琪（GiGi）昨日到清水灣片場為代言多年的護膚品牌拍攝新一輯廣告，問她是否每次續代言合約也會加酬勞？GiGi笑說：「加幅係同通脹成正比，其實合作咗咁多年，已經係講心唔講金。」是否因為日本核危機，代言公司才找她拍新廣告維持品牌形象？GiGi說：「據我所知係冇影響，大家放心用，我自己都仲有去食日本嘢啦。」
做自己經理人
GiGi又透露將與他人合資開工作室，但就否認轉行從商，她說：「都籌備得七七八八，我唔係從商，都係做番娛樂嘢，想簽音樂人做management，做埋自己經理人，過吓老闆癮！遲啲都想搞埋電影劇本同製作。」至於會否成為老友楊采妮的經理人？她坦言不會：「朋友還朋友好啲，有生意關係唔可以單純做朋友。」
採訪：文國駿
攝影：林德雄