TVB節目《星期日檔案》最近播出〈偷聽男人心〉專題，內容關於港男點解搵唔到女朋友。節目出街後即時成為網上熱話，好多港男話中晒point，女士就不以為然，新婦女協進會更加想聲討TVB，後日星期五舉行論壇大批判。
婦進會員區美寶話，呢集節目主要內容係由男士品評女性，一班男人講自己點解搵唔到女朋友，對香港女性諸多批評，區美寶指港男難搵女朋友係一個社會現象而不是問題，節目似乎預設立場去批評女性，當中提到香港女性唔溫柔、不體貼，更加好似返回男尊女卑、女性係男性裝飾品嘅時代，因此佢哋要搞論壇詳細討論呢個問題。台灣女首富入股TVB，多個女老闆，八方希望日後講男女問題可能有新角度啦。