陳秀珠上個月拍完劇集《我的如意狼君》廠景收工時，唔小心跣腳撞到心口，休息咗10日噚日復工。佢氣若游絲咁話：「我心口仲隱隱作痛，仲食緊消炎藥。唔想影響新劇進度，所以諗住快快趣拍埋呢5日戲，因為我痛嘅範圍擴大咗，所以諗住拍晒之後再入院詳細檢查。」問囝囝迪加係咪好擔心？佢話：「佢都唔知個嚴重性，淨係見到我成日㩒住心口。」