劉若英最近和陳奕迅（Eason）合作，拍攝葉念琛的新戲《隱婚男女》，原來今次是劉若英和Eason首次拍檔，但兩人一埋位便要拍激烈咀戲，狀甚肉緊，不過劉若英和Eason果然經驗夠，結果順利一take搞掂。劉若英大讚Eason「吹得」，無所不談，拍攝過程可謂永無冷場。
擅長拍愛情小品的葉念琛，最近執導的新戲《隱婚男女》於下周四（14日）在港上映，以往他愛用後生演員，今次則請來影后劉若英夥拍陳奕迅，甚具新鮮感。
一Take完成
劉若英在電影中的角色大部份都是以大方優雅，或者溫柔善良模樣出現，不過今次在《隱》片當中卻來一次大改變，扮演職場女強人，外表cool爆，不過原來內心很脆弱。至於Eason則扮演劉若英的下屬，兩人日夕相對，在一次出差中Eason的溫柔把劉若英的冰山劈開，擦出愛火，劉若英和Eason激情爆發，在浴室連環狂咀。
雖然今次是劉若英和Eason首次合作，不過兩人都很有默契，拍攝狂吻戲更以極速一take過完成，相當順利。劉若英大讚Eason是位十分投入的演員︰「跟Eason首次合作，也擔心出來的效果會未如理想。不過他的投入，令我十分欣賞。還有Eason是一位無所不談的人，跟他相處及演對手戲都很舒服。」
葉念琛大讚
至於與劉若英拍狂咀戲前，Eason有否向老婆徐濠縈預先備案？Eason直言︰「冇呀，佢一向好少干涉我嘅工作，而且我哋喺工作上好獨立，根本冇解釋嘅必要。」Eason同樣向劉若英大送高帽，讚賞她是一位專業演員，拍攝效果自然暢順。
葉念琛對劉若英和Eason的表現亦讚不絕口：「早喺電影《十二夜》已經留意Eason嘅演出，歌手出身嘅佢演戲絕唔比唱歌遜色。至於劉若英更加唔使講，係大家公認嘅好戲影后。」
撰文：葉雪
