有冇諗過電腦普及對人類生活帶嚟幾多方便同財富？呢條咁深嘅問題，華華梗係冇資格解答，但係美國阿特蘭大聯儲銀行兩個經濟學家，就用一啲數據簡單咁將答案量化。原來由1977年蘋果公司推出AppleII（圖）開始計起，去到2009年，電腦嘅方便已經為每個美國人帶嚟每年1700美金嘅額外收入，以全美計就達到5000億美金。
條數點計出嚟？兩個專家指，以往仲係用磁帶記憶嘅年代，能夠為人類帶嚟嘅益處其實細好多，而且個人電腦已經越嚟越平。電腦化生活，淨計幫人慳咗時間已經功德無量，假設每個人都善用資源，將電腦嘅功能用盡，同時又唔會沉迷上網咁浪費時間嘅話，每個美國人喺2009年賺多咗1300至2100美金，攞個平均數，咪1700美金囉！