【財經追蹤】高盛烏「輪」事件未解決，高盛又欲以更正上市文件條文字眼甩身，投資者可謂毫無保障。兩位分別斥資50萬及1萬元買入烏「輪」的散戶鄭先生與潘先生，隨時由賺變蝕，心急如焚。鄭先生形容，若高盛可以不作賠償而獲准復牌，「等同強姦散戶」，他擬今日到證監會及港交所（388）投訴。
上周四開市前，鄭先生觀察該4隻窩輪走勢，「我見好炒，先至買入。」他合共斥資約50萬元買入該4隻高盛日經輪，但突然停牌。他指窩輪很少在交易中途停牌，於是致電港交所查詢，對方只着他以書面電郵留下問題待覆。
細讀上市文件「又有乜用」
日前高盛指，上市文件是因技術性錯誤而作修正，稍後會復牌，卻沒有提及賠償事宜，令他十分不滿，因若按修正後的方程式計算，他會倒蝕20萬至30萬元。「買窩輪都唔想坐過夜，見有錢賺，梗係想走，家停牌，無得沽，仲話會復牌，即係撳住嚟搶，焗我輸錢，咁有乜保障可言。」他強調，事前並不知道計算結算價的方程式出錯，但投資前做足功課，在網站下載上市文件研究，認為抵買先買。
他舉前年亞洲果業（073）「癲價」事件為例，當時監管機構指亞果上市文件早已交代股份拆細，投資者不應單憑報價商未拆細的每股資產淨值資訊入市，應熟讀招股文件才行動；今次他有細讀上市文件，但「咁又有乜用？」他已決定今日到證監會投訴，希望取回公道。
另一位苦主潘先生就在日經指數大跌1000點當天，買入2萬股高盛日經認沽證（10076），入市價0.5元，本欲在1至2元之間沽出，怎料隻輪突然停牌，令他大失預算。他已致電高盛投訴。潘先生說︰「隻輪12月尾到期，初時諗日經落番去8400或8500水平就離場，所以一直冇理佢，點知去到上個禮拜四，見到幾隻日經Call輪同Put輪一齊急升，於是覺得好奇怪，無理由Call輪同Put輪會兩邊升，但去高盛個網睇又無mention（提及），跟住冇幾耐仲停埋牌。」
致電高盛 無確實答覆
他最初對於停牌不以為然，惟當晚到討論區見到有關該輪的消息，再查閱高盛網頁了解情況，才發現高盛刊登的聲明，翌日直接致電高盛查詢，但得不到任何確實答覆。
「高盛話會同港交所聯絡，暫時未知詳情，我問佢會唔會喺復牌前通知我，佢就話總之第一時間通知，我好擔心隻輪復牌後會採用新計算方式，你知我哋呢啲散戶唔係買得多，擔心高盛可能知道我哋唔會拎錢出嚟同佢打官司，就唔理我哋。」總之，散戶都是擔心得不到保障。
網民討論焦點
有網上討論區就高盛烏「輪」事件作出批評及討論。
「高盛是發行商的大老闆，所有股民和輪民都被他玩弄於掌心之下，任佢魚肉，任佢劏！！！」
「聯交所和證監都要聽命於佢，任佢差遣！」
「政府只做一個旁觀者，因為無印花稅落袋，政府部門懶得理，佢話：『關我Q事』！」
來源：Uwants.com