早兩個禮拜（3月23日）大新銀行（2356）派成績表，太子爺王祖興Harold第一次蒲頭，現場好多女行家為之「驚艷」，相信各位行家日後會有更多時間見到呢個靚仔太子爺！大新宣佈，委任41歲嘅Harold接替黃漢興，出任董事總經理兼行政總裁，而黃漢興就會升做董事會副主席。咁Harold除咗靚仔同係大新主席王守業個仔之外，本身有咩quali呢？原來佢1992年喺倫敦King's College畢業，攞到法學士（榮譽）學位，1999年再喺哈佛攞到工商管理碩士學位，係英格蘭、威爾斯同香港嘅合資格律師……又靚仔又叻仔，真係難得！