黃秋生、任賢齊及JaniceMan昨晚在尖沙嘴出席新戲《報應》首映，秋生兒子黃一一也有客串演出，楊千嬅前來捧場。秋生談到有傳已與李澤楷分手的梁洛施年尾返港，他說：「佢冇講喎，佢講嘅唔係咁，佢話返嚟探吓親，唔等如返嚟長居，啲細路點搞呀？嗰邊空氣、居住環境都幾好，返嚟盞煩，有推撞就唔好啦，出入又俾人影。」
讚孖仔得意
秋生謂之前曾與梁洛施在港見面：「食吓嘢囉，佢叫我過去探佢，我唔鍾意坐飛機。」問他有否見過梁洛施三名兒子，秋生說：「睇過相，幾得意，對孖仔好似嚿湯圓咁，大嗰個就眉精眼企。」
談到秋生日前在微博上載與陳冠希照片，被網友辱罵，秋生說：「50萬人梗有一兩個儍嘅，神經病唔使理。」問他可會與陳合作，秋生指他在內地仍未解封，並說：「我唔係好理解，我俾人偷咗私人嘢，個罪仲喺我度，咁耐都唔明點解未解封。」
採訪：溫敏芝
攝影：黃偉雄