【澳門直擊】薛芷倫（Fanny)、賭王四房女兒何超盈、長房孫女何家華、陳嘉桓、黃家強和日籍太太Makiko等，前晚在澳門出席新濠天地ClubCubic開幕。
薛芷倫前年患乳癌，現時治療及康復期仍口腫面腫，外間指她樣貌變得似白韻琴。Fanny表示不介意：「點解要嬲？白姐姐後生都好靚，同埋家對我嚟講，健康和內在美先係最緊要。」她之前因病入住前夫馬清偉大宅，Fanny謂正忙於裝修新居：「我想搬返自己一個人住，我咁大個人，好獨立。」習慣嗎？她說：「我係寂寞，唔係孤獨，唔係老人獨居。」她承認有追求者，但未有適合對象，獨居比較方便，更謂準備報讀心理、美容課程。
超盈撐超雲山聰
賭王孫女何家華前晚帶同新男友Dan出席，她指自己離婚兩年，暫未有結婚打算。賭王早前分燊家，長房完全無分到賭場股份，何家華說：「佢畀乜我哋都OK，我哋都係鍾意做番自己嘢，家我開咗新公司，網上廣告公司。爺爺對個個都好公平，佢一直照顧我哋，盡埋爸爸嘅責任。」何超盈就力撐超雲拍拖，她說：「佢有權選擇，佢同乜人拍拖都會支持，我信晒佢。」問她覺得超雲和山聰相襯嗎？她說：「都好，鍾意就得啦。」
採訪、攝影：梁錦雯