傑志教練甘巴爾遭足總罰停賽，不准入球場，傑志職員遂開賽前在場外探路，終在毗鄰單車徑旁一處小斜坡搵到好位置，等他邊睇波，邊講電話遙控指揮。完場一刻，甘巴爾興奮得與在場球迷振臂高呼，又大讚企位靚、氣氛好，還笑說：「傑志餘下兩場主場聯賽，我將再企在這有利位置。」
完場後，甘巴爾匆匆行返球場與教職員擁抱，一度激動致眼泛淚光。他風趣稱，昨日的靚位置比起球場內更好，「能從不同角度及視野觀看場內比賽」，而他與場內助手通電話共53次遙控指揮。
他又企又踎，自備水樽，全程投入，並形容首次企街觀戰是執教生涯中一生難忘，最重要是球隊能取勝。該斜坡最高峯時有近百球迷聚集，雖然位置佳，但有小球迷稱很危險。
本報記者