4月1日愚人節，連韋斯咸前鋒卡頓高爾（圖）都玩埋一份，佢喺自己嘅Twitter度，自爆未被列入韋咸對曼聯嘅大軍名單中，更表示好擔心自己前途，會好好練習咁話，搞到有部份英國傳媒信以為真，當真新聞報道；之後卡頓高爾澄清番係愚人節搞作，不過另一個角度睇，都反映英國傳媒都覺得卡頓高爾好渣，唔通朗尼冇份打，班記者又會信咩！