港人玩咗咁多年珠海賽車場，個個早已嗌悶，自上年肇慶賽車場啟用後，多咗唔少港人轉場係嗰度搞TrackDay。Lotus香港代理剛喺肇慶搞咗場「蓮花盃」，屬首個OneMakeRace賽事，全場都係唔同改裝程度嘅LotusExige，落場者包括著名車手SamsonFung，以及富利堡老闆黃毅力。喺港聞、財經版都經常見到佢，斯斯文文一副老闆相，居然心血來潮學飆車，而且跟眾多車手同場較技，手車有板有眼，非兜圈遊車河嘅怕死之輩。最後將學車、搞蓮花車隊過程，發表洋洋幾千字，仲有誠意過劉備請諸葛亮出山！嚟緊五月富記再喺肇慶搞TrackDay，真係要撐大雙眼，睇吓黃生進步成點喇。