相信快艇今季都係做爛隊入唔到季後賽，但係最大貢獻係誕生咗「入樽王」比歷克格芬（圖）。呢位仁兄近期亦繼續努力表演入樽，務求爭贏今季「新人王」，上周六佢入咗26分，協助主隊喺落後18分下，以98:92勝雷霆。查實格芬今季一直人氣高企，唔似得勁敵巫師控衞禾爾會喺比賽度打人。形象咁討好，「新人王」肯定袋袋平安啦！